Os SAI están estruturados en unidades que son as súas células básicas
de funcionamento e que engloban, en xeral, un conxunto de técnicas
afíns. Dotados de persoal altamente especializado e dun equipamento de alto nivel
tecnolóxico prestan os seus servizos tanto a investigadores desta
universidade, como a outras institucións públicas e privadas.
No referente a calidade, os SAI están certificados pola ISO 9001 asemade a Unidade de Técnicas Cromatográficas ofrece ensaios de dioxinas acreditados pola ISO 17025. Obxectivos:
Ofrecer apoio e complementariedade aos grupos de investigación da
Universidade da Coruña, así como a outras universidades, organismos
públicos e empresas do noso contorno.
Poñer a punto novas metodoloxías de análise propias co fin de
mellorar e ampliar as prestacións das diferentes unidades.
Asesorar cientificamente na resolución de problemas técnicos e
experimentais.
